كيتابلار و آچيقلاما
قــــــــــــيـــزيـــــــــل پــــــــــكــــيـــــج
آدلاری گلن لاتین کیتابلارینی سفارش وئریب، الده ائده بیلرسیز
توركيهنين گون و آوانقارد ادبياتيندان 25 اثري گونئي
اوخوجوسونون الينه چاتديرماق نييتي ايله، بير نئچه نسخه الده ائديلميشدير. بو
اؤنملي اثرلر گونئيده پروفئسيونال اوخوجونون الينده اولماغي چاغداش ادبياتيميزين
اوزونه اؤنملي و يئني آچيلار آچا بيلر دئيه دوشونوروك. كيتابلارين قيمتلري بيري
بيريندن آيري اولاراق معين اولونماديغي اوچون 25 كيتابي بير يئرده و پكيج اولاراق
الده ائتمك مومكوندور.
بو پكيجين ايچينده رومان - اؤیکو توپلوسو
- الشتیری (تنقید) و شعر کیتابلاري بولونماقدادير. آدلاري گئدن بو كيتابلارين
توپلوسو (25 كيتاب) 150 مين تومن، (اوست اوسته هر بيريسي 6 مين تومن) اولاراق سونولماقدادير.
دقت: بو کیتابلار،
اصلی اثرین اوزوندن وورولموش (اونلارين اوريژینال قیمتلری 720 مین تومندیر).
لوطفن سفارش و تئل نومرهنیزی خصوصی
کامئنت اولاراق یازینیز.
پايلاشديغيميز
اثرلرين قيمتلري بير بيريندن آيري حئسابلانماديغي اوچون هم ده اونلارين بير-بير
گؤندرمهيينين بؤيوك بير چابا گركديردييي حالدا بو ايمكانلارين بيزده اولماديغي
اوچون تک تک سفارش آلینمیر، اوستهليك سونونلان اثرلرين قيمتلري اونلارين اصلي
قيمتيندن بئش قات آشاغيدير.
1. یئنی حیات - اورحان پاموق - رومان -
280 صحیفه
«يئني
حيات انسانا والتئر بئنجامينين، (بوتون بؤيوك ادبيات اثرلري بير بيچيمي يا سونا چاتديرير
يا دا بير يئنيسيني باشلادير، يعني اؤزل بير اولايدير) سؤزونو خاطيرلادير. يعني
حيات اؤزل بير واقعهدير» "گارديين،
انگليس"
2. صنعت مانیفستلری - آوانگارد صنعت.الشتیري. دوشونجه - علی
آرتون - 385ص
صنعت
مانيفستلري 20. يوز ايل هونرين تاريخينين ان گئرچك سندلريدير. او ندن ايله
مانيفستلره باش وورمادان مدرنيسمي و آوانگاردي جانلانديرماق بوشونادير. اونلار
چاغداش هونرين بيلينج آلتينين دا شيفرهلري ساييلير. چاغداش الشتيرل دوشونجهنين
اسين قايناقلاريندان بيري، بو مانيفئستلرين مدرنلييه قارشي چكدييي عينادچي
مخاليفليكدير.
3. آتیلا ایلحان- شعرلر- 4 کیتاب بیر
کیتابدا- 453 ص (كيمي سئوسم سنسن- ياغمور قاچاغي- آيريليق سئودايا داخيل- الده
وار حوزون)
گونئي اوخوجوسونا ان اوجوز قيمت ايله
الده ائتمهك ايمكاني يارانسين دئيه آتيلا ايلحانين ان اؤنملي كيتابلارينين دؤردونو
بيرلشديرَرك بو كيتابي اولوشدورموشوق. آيريجا بو تانينميش تورك شاعيرله حيات
بويوندا آپاريلديغي ان اؤنملي سؤيلهشي (مصاحبه) لردن ده بير نئچه اؤرنك بو
كيتابدا وئريليب.
4. بندن سونرا موتلولوق -اؤزدمیر آصف-
شعرلر- 280 ص
اؤزدمير آصف توركيه شعرينين ايكينجي يئني آدلانديران دؤنمينين
ان اؤنملي شاعيرلريندندير. بندن سونرا موتلولوق كيتابي ياپي كرئدي يايينلاري
طرفيدن سونولوبدور.
5. آشک (عشق) - الیف شافاق- رومان - 430
ص
توركيهنين ان چوخ ساتيلان رومانلاريندان ساييلان آشك (عشق)
2011 كيمي 300 باسقي و 600000 نسخه ده يايينلاميشدير. دونيانين بير چوخ ديللرينه
چئوريلن بو رومانين بير اوزو مولانا و تبريزلي شمسين تانيشماغيني و اوبيرسي اوزو
مدرن دونيادا سئوگينين گركديردييي هزينهلردن قونو اولاراق سؤز آچير.
6. رنگاهنگ - جان یوجل - شعرلر - 140 ص
سون ايللرده حياتيني دَييشديرميش شاعير، جان يوجل توركيهنين
چاغداش شعرينين تانينميش سيمالارينداندير. رنگاهنگ 140 صحيفهده بو شاعيرين مدرن
شعرلريندن بير توپلو اولاراق سونولموشدور.
7. عشق اشارتلری - لطیفه تکین - رومان -
120 ص
لطيفه تكين توركيهنين ان اؤنملي و
ماراق چكيجي رومانچيلاريندان ساييلسا دا اؤزو اؤزونون ادبيات ديشي بير يازار
اولدوغونو ايددعا ائدير، او «من كوچه جوجوغويوم مني ادبيات چرچيوهلرينه
سالاممازسيز» دئيه هر بيريسي اؤنملي اولاي ساييلان رومانلارينين آراسيندا گاهدان10 ايل بئله آرا وئره بيلير. اونون
رمانلاري توركيهنين يئني دوغان ادبياتينين ان ايلك اؤرنكلري اولموشدور و اورحان
پاموك كيمي يازارلاردان داها اؤنجهلر بير چوخ ديللره چئوريليب. بو يازارين ايكي
كيتابي كئچهن ايللرده فارسجا يايينلانميشدير.
8. بن تک ٰ سیز هپینیز - حاکان بیچاقچی
- اؤیکولر 168 ص
حاكان بيچاقچي توركيهنين گنج قوشاق
يازارلاريندان اولاراق آنادولو گنجلييينين باشيندا نهلر گزديرديييندن دانيشير.
9. صاف دوشونجهلی رومانچی - اورحان
پاموق - رومانچیلیق درسلری - 158 ص
پاموك يازي يازمانين و رمانچيليغين
اوتوزبئش ايلليك مسلك سيرلريني، هاروارد يونيوئرسيته سينده وئردييي نورتون درسلرينده
آچيقلايير. داها اؤنجه ائليوت، بورخئس، كاوينو و امبرتو اكو كيمي يازارلارين
وئردييي بو درسلرده، پاموك ادبيات و هونر آنلاييشيني بير بوتون اولاراق سونور.
بو كيتاب «اورحان پاموق»ون ياييملانان سون كيتابيدير.
10. اسکی سوکاک - بهجت نجاتی گیل- شعرلر
- 132 ص
توركيهنين تانينميش چاغداش شاعيرلريندن
بهجت نجاتي گيلين ياپي كرئدي يايينلاري طرفيندن يايينلانان شعر توپلوسونون 3.
باسقيسي پكيجيميزده بولونور.
11. عزیز بی حادثه سی - آیفئر تونج -
اؤیکولر - 172 ص
آيفئر تونچ سون ايللرين ان چوخ ترجومه اولونان
رومان و اؤيكوچولريندندير. بير چوخ منتقدلر اونون اثرلرينده بولونان قات قات
درينلييي گونوموزون انسانينين پيسكولوژي دورمونو اورتايا چيخاران اورونلر اولاراق
ديرلرنديريرلر. عزيز بي حادثهسي نين اويكو توپلوسونون تئماسي گونوموزده «عشق و
قادين» قونولاريدير. بو اؤيكو توپلوسونو اوخوركن بير حكايه كيشيسينين وارليغيني
چوخ ياخيندان حيس ائدهجكسينيز.
12. کَلَبَکلره - رضا براهنی - شعرلر-
چئویرن هاشم خسروشاهی- خشتی- 144 ص
آذريايجانلي شاعير رضا براهنينين ان اؤنملي شعر
كيتابي ساييلان «خطاب به پروانهها» توپلوسونون اؤز ايشبيرلييي ايله توركجه
ترجومهسي «كلبكلره» آدي ايله بير نئچه ايل اؤنجه توركيهده يايينلانميشدير.
پكيجيميزده سونولان اثرلرين آراسيندا گونئي شاعير و يازارلاري ايچينده بو كيتابين
اؤنملي بير يئر قازاناجاغينا اينانيريق.
13. سئودا سؤزلری - جمال ثریا - شعرلر - 232 ص
جمال ثريا، جمهوريت دؤنمي شعرينين ان اؤزل «ويتامين»يدير. ليريك، ائروتيك، پوليتيك، بير ايرماق. «سئودا سؤزلري» بو بؤيوك اوستانين بوتون شعرلريني بير آرايا گتيرير.
تورك شعري اونسوز بير شئيي الدن وئرميش كيمي اولا بيلر. عزيز نسين اونو ژان پل سارترلا مقايسه ائتميش و اونو تورك شعرينين ايكينجي يئني دؤنمينين باشلانقيجي حساب ائدير. بو اثر بو گونه كيمي 43 دؤنه يايينلانميشدير.
14. گئجه نین اؤتهکی یوزو - فوروزان -
اؤیکولر - 212 ص
فروزانين بو كيتابداكي اؤيكولري اونو «چاغداش
بير كلاسيك» ياپان اؤرنكلردندير. بير رومان پتانسيليني بارينديران و كيتابلا عيني
آدي داشييان گئجهنين اؤتهكي اوزو عيني آيرينتيلاريلا اوخوجونو آتموسفئرينه
چكير.
فروزانين اؤيكولري فرانسه، اسپانيا، فارس، ژاپن، انگليس، روس، بوشناق، ايتاليا، بلغار كيمي بير چوخ ديللره چئوريلميشدير.
15. اوزاق نوکتالارا دوغرو - جمیل
کاووکچو - اؤیکولر - 126 ص
تورك اؤيكوجولويونون اؤنده گلن يازارلاريندان، جميل كوووكچو، كيچيك شهرلرين، سيرادان انسانلارين دونياسيني آلانجا درينلييي ايله ادبياتا داشييان بير آنلاتي اوستاسيدير. جميلين «اوزاق نوقطهلره دوغرو» اؤيكو توپلوسو اونون ان اؤنملي كيتابلاريندان اولاراق يايينلانديغي ايل «ساييت (سعيد) فاييق» اؤيكو اؤدولونو قازانميشدير.
تانينميش سينما يؤنتمني «نوري بيلگه
جيلان» فيلملرينين سئناريولارينين بير نئچهسيني جميل كوووكچو ايله بيرگه
چاليشميش.
16. دوشکاچیران - جمیل کاووکچو -
اؤیکولر - 114 ص
جميل كوووكچو تام بير اؤيكو اوستاسيدير؛
كيچيك بير قيويلجيمدان دادينا دويولماز اؤيكولر چيخاردير. دوشكاچيراندا دا
اولدوغو كيمي...
كوووكچو بوندان اؤنجهكي كيتابلاريندا دوغوب، بؤيودويو «اينهگؤل»دن يولا چيخاراق «تاشرا (اؤنملي شهرلرين ديشيندا قالان كيچيك شهرلر)» گنجلييي نين اؤيكولريني، عشقلريني، اومودلاريني اوخوجوسو ايله پايلاشير. دوشكاچيران كوووكچونون كيتابلاريندا بير قيريلمايا اشاره ائدن فرقلي اؤيكولردن اولوشور. بو اؤيكولر گئرچك و گئرچك اوستو آراسيندا دورورلار.
17. بیر ده باکدیم یوکسون - یکتا کوپان
- اؤیکولر- 166 ص
چاغداش تورك ادبياتيندا شهر انسانينين
دئييشيك روح حاللاريندان باشاري ايله يانسيتديغي اؤيكولري ايله سون ايللرده
آديندان ان چوخ سؤز ائتديرن اؤيكوچولردن بيريدير.
سوندوغوموز بو كيتاب اؤتن ايل «يونس نادي» و «حالدو تانئر» اؤيكو اؤدولونو قازانميشدير.
18. یوزونده بیر یئر - سما کایغوسوز -
رومان - 176 ص
سما كايغوسوز تورك اؤيكوسونون گنجلييينه يئني بير ديل، اوسلوب و فورماليستيك بير گؤزلليك آرتيران تانينميش يازاردير.
سمانين «اوزونده بير يئر» اثري بير چوخ
يؤندن كليشهلري پوزان بير روماندير. دوشونجهني آچان، اوخوجوسوندا دئييشيك ادبي
بير لذت بوراخان، اوسلوبو اؤزل، كولتورل درينلييي سونسوز و چئشيدليلييك سونان
بير روماندير. بو جغرافيادا ياشايان هر كس اؤز كيمليك و جوهريني داها درينلرينه
قدر قاوراماق ايستيرسه بو روماني اوخوماليدير بلكه...
19. شعریمیز مور کولحانیدیر آبی لر -
ائجه آیحان - شعرلر - 122 ص
چاغداش تورك ادبياتينين تانينميش
نمايندهلريندن اولان ائجه آيحان تورك شعرينه ان بويوك ائتگي بوراخان دوشونور و
شاعيردير. او تورك ادبياتيندا ايكينجي يئني شعر دؤنمينين ان پارلاق تمثيلچيلريندن
بيريدير. شعر دونياسيندا اؤنملي اؤدوللر قازانان بو شاعير، اؤزوندن سونراكي تورك
چاغداش شعرينه اؤنملي ايزلر بوراخميش.
20. پاپاغانا سیلاح چکمه - کوچوک اسکندر
- شعرلر - 168 ص
كوچوك ايسكندر آرتيق هانسيسا تانيتماغا
احتياجي اولمايان بير يازاردير. توركيهنين پست مدرن و آوانقارد شعرينه اؤز رنگيني
قاتان بو شاعير آنارشي ايله دولو ديل اويونلاريني، نورملارين ديشيندا دايانان
سؤيوش-كوفور سؤزلريني چكينمهدن شعرينده قوللانير. ايسكندرين شعري توركيهده
اؤزونه يئر آلان مدرنيسمه دوغرو بير باغيرتيدير. آنجاق بو باغيرتي سنت داياناغيندان
دئييل ده تام پست مدرن بير دونيا و دوشونجه طرفيندن اوجالماقدادير.
21. «بئرجی کریستین» ماثال لاری - لطیفه
تکین - رومان - 145 ص
لطيفه تكين تورك رومانچيليغينين ان اؤنده گئدن
يازارلارينداندير. تورك ادبياتيندا بير قوشاغي ائتگيلنديرن و اونلارا دستك
ساييلان محمد فوآت لطيفه تكين قونوسوندا بئله دئيير:
-«بو جينلي قيز توركيهده ياشايان انسانلارين چوخ قالاباليق كسيميندن سئچديگي آداملارين اينانجلاريني، توتقولاريني، سئوگيلريني، خرافهلريني، سوركلي ديديشمهلريني آنلاديركن هاردايسا توركيهدهكي عاغيلا سيغمايان ياشام بيچيمينين ندنلريني ده سرگيلهيير.»
22. صاندیق لکهسی - سما کایغوسوز -
اؤیکو - 84 ص
سون دؤنمين ان پارلاق يازارلاريندان سما
كايغوسوز، ان گئنيش بير جغرافيادان سسلهنير اوخوجولارينا. ياييملانديغي ايل «جئودت
قدرت» ادبيات اؤدولونه دَير گؤرولن «صانديق لكهسي» اون اوچ فرقلي اؤيكو ايله
اؤزونو اون اوچ ديله بؤلن بير يازارين چوخ لايهلي دونياسيني آنلادير. ادبيات
چئورهلريندن هؤرگو دولو الشتيريلر آلان بو كيتاب، حياتا گؤره بير چوخ آيرينتيني
و دوشونجهني ايچهرن قهرمانلاريني اؤز يازقيلارينا ترك ائدن زامان-زامان
اوخوجوسونو يازما سورهجينه تانيق ائدن بير اؤيكو كيتابيدير.
23. بو دفا چوک فنا - کوچوک اسکندر -
شعرلر - 112 ص
كوچوك ايسكندر دونيادا فرقلي و آوانگارد شعرلري ايله تانينان
پست مدرن بير شاعيردير. اوندان بو گونه كيمي شعر توپلولاري، اؤزگور متنلر، اوچ
رومان، ايكي اؤزل درلهمه، بير اينجهلهمه، بير گونلوك و بير آنتولوژي كيتابي
يايينلانميشدير. شعر اوزره 2000. ايلده «اورحان مورات» شعر اؤدولونو، 2006. ايلده
ايسه «مليح جئودت آنداي» شعر اؤدولونو قازانميشدي.
كوچوك ايسكندر ادبيات ديشي چاليشمالاريندا ايسه 5 فيلمده اويونچولوق ائديب و بير نئچه اؤدول قازانميشدير. «راشيد»، «تئومان»، «باليق آيحان» كيمي اؤنملي تورك موزيك آداملارييلا شعر قوشوب، صحنهيه چيخميشدير.
24. دیکن اوجو (تیکان اوجو) بهجت چليك -
شعرلر - 122 ص
بهجت چليك سون دؤنم تورك ادبياتينين اؤزونه اؤزگو بير اؤيكو دونياسي ياراتميش اؤنملي آدلاردان بيريدير.
يايينلاديغيميز بو كيتاب 2011. ايلده اؤنملي اؤدوللردن ساييلان «حالدون تانئر» اؤيكو اؤدولونو قازانميشدير. الشتيرمنلر بهجت چليك-ين تورك ادبياتينين گلهجهيينين پارلاق ايمضالاريندان بيري اولدوغونا اينانيرلار.
25. سسسیز ائو - اورحان پاموق - رومان -
346 ص
«بو گؤزل و حوزونلو كيتاب اوچ موتسوز قارداشين، استانبول
قيراقلارينداكي كيچيك بير ساحيل شهرينده، 90 ياشينداكي قوجا ننهلرينين ائوينده
كئچيرتديگي بير هفتهني آنلادير... شاشيرديجي بير باشاري...» "تايمز قزئتي، لندن"
آچیقلاما و آرتیق بیلگی الده ائتمک اوچون بیزه یازین..
/* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin;} /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-qformat:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin-top:0cm; mso-para-margin-right:0cm; mso-para-margin-bottom:10.0pt; mso-para-margin-left:0cm; line-height:115%; mso-pagination:widow-orphan; font-size:11.0pt; font-family:"Calibri","sans-serif"; mso-ascii-font-family:Calibri; mso-ascii-theme-font:minor-latin; mso-fareast-font-family:"Times New Roman"; mso-fareast-theme-font:minor-fareast; mso-hansi-font-family:Calibri; mso-hansi-theme-font:minor-latin;}
«یاشماق» آذربایجان یئنی ادبیات درگی سینین وبلاقی